Авҷи муҳоҷирати меҳнатӣ

Душанбе, 28.04.2014. (АМИТ «Ховар», Лайло Тоирӣ).- Субъектҳои хоҷагидори вилояти Суғд дар ҳамкорӣ бо Раёсати Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон дар вилояти Суғд дар давоми моҳи апрел сафарбарнамоии муҳоҷирони меҳнатиро  оғоз карданд.
Дар маҷмӯъ аз хизматрасонии субъектҳои хоҷагидор 2 ҳазору 790 нафар муҳоҷир истифода намуд.
Аз рӯи маълумоти шуъбаи назорат ва муҳоҷирати меҳнатии Раёсат аз 1 апрел то 24 апрели соли равон субъектҳои хоҷагидори “Сомонэкспрестарнс”, “Нақлиёт”, “Иттиҳодияи автовокзалҳо”, “Роҳи Абрешим”, “Олами саёҳат” ва “СИ Маҳмудов” 2 ҳазору 596 нафар муҳоҷирро тавассути нақлиёти автомобилӣ, ҳавоӣ ва роҳи оҳан ба вилоятҳои мухталифи Федератсияи Русия сафарбар намуданд.
Бино ба иттилои  Раёсати ХМ дар вилояти Суғд, дар ин радиф субъектҳои хоҷагидори “Умури меҳнати ихтиёрии ҷавонон”, “Сомонэкпрестранс”, “Нақлиёт”, “Иттиҳодияи автовокзалҳо”, ва “Мирзо ва К” дар корхонаҳои гуногуни яксилсила вилоятҳои Федератсияи Русия 194 нафар муҳоҷири меҳнатиро бо ҷои кор таъмин намуданд.
Ҳангоми гусели гурӯҳҳо намояндагони Раёсат бо онҳо вохӯрда, корҳои фаҳмондадиҳӣ бурданд.