Баррасии масъалаҳои захираҳои обӣ дар АИТ

Душанбе, 1.04.2014 (АМИТ «Ховар», Фарзонаи Давлат).- Дирӯз, гуруҳи кории Бонки ҷаҳонӣ вобаста ба мустаҳкам намудани барномаҳои моделсозии идораи интегронидашудаи захираҳои обӣ бо раёсати Академияи илмҳои  Ҷумҳурии Тоҷикистон масоили захираи обӣ дар Тоҷикистонро баррасӣ намуданд.
Тавре ки дар ин бора котиби масъули АИТ Сайёҳат Иброҳимова хабар дод, дар вохӯрии мазкур Марта Ярошевич, машовир оид ба захираҳои обӣ дар Осиёи Марказӣ, Фарзона Муҳиддинова, таҳлилгар оид ба барномаҳои Бонки ҷаҳонӣ, Сайидмуҳаммад Одинаев, ноиби президенти АИТ, Зайнулобиддин Кобулиев, директори Институти масъалаҳои об, гидроэнергетика ва экологияи АИ Т ва Маҷид Гулаёзов, сардори шуъбаи алоқаҳои байналмилалии АИТ иштирок доштанд.
Гуфта мешавад, ки зимни суҳбат Марта Ярошевич гуфт, ки дар Душанбе доир намудани вохӯриҳо бо масъулини соҳа, барои оғоз намудани корҳо оид ба  чорабинии сеюми нақшавӣ дар чорчӯбаи «Харитаи роҳӣ»- барои мустаҳкам намудани таҳлили идораи  интегронидашудаи захираҳои обӣ, ки аз ҳисоби Барномаи рушди захираҳои энергетикӣ ва обии Осиёи марказӣ маблағгузорӣ мешавад ва бо ин роҳ мустаҳкам намудани иқтидори барномаи лоиҳасозии идораи интегронидашудаи захираҳои обӣ (ЛИИЗО) мебошад».
Дар ҷараёни вохӯрии мазкур асосан ҳамкориҳои дуҷонибаи минбаъда  баррасӣ гардиданд