Беэҳтиётии ронандагон — боиси ҳалокати шаҳрвандон

Душанбе, 29.04.2014. (АМИТ «Ховар», Муқаддас Темурзода). — Тавре ки сомонаи расмии ВКД хабар медиҳад, ронандаи мошини тамғаи «Opel — Astra», сокини 27 — солаи ноҳияи Бохтар Шодимурод Исоев ҳангоми ҳаракат аз самти маркази шаҳри Қурғонтеппа ба самти терминали мусофиркашонии Сафар-К, аз уҳдаи идораи воситаи нақлиёт набаромада, пиёдагарди 7-сола, сокини ҳамин ноҳия Шабнам Муродоваро пахш намуд. 
Дар натиҷа пиёдагарди ноболиғ ҷароҳати вазнини ҷисмонӣ бардошта, ҳангоми ба беморхона дастрас намудан дар роҳ  ба ҳалокат расид.
Ҳамчунин сарчашма хабар медиҳад, ки ронандаи мошини тамғаи «Toyota-Land-Crulser», шаҳрванди 44-солаи пойтахт Бахтиёр Абдураҳимов, ҳангоми ҳаракат аз самти вилояти Суғд ба самти шаҳри Душанбе, дар километри 26-уми роҳи мошингарди Душанбе-Хуҷанд-Чанок аз уҳдаи идораи воситаи нақлиёт набаромада, мошинро чаппа кардааст. 
Дар натиҷа ронанда Б.Абдураҳимов ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст ва мусофири мошини мазкур сокини 54- солаи ноҳияи Рӯдакӣ, Сафар Хайриддинов ҷароҳати вазнини ҷисмонӣ бардошта, дар беморхона бистарӣ гаштааст.