Боздиди Н.Саидов аз вилояти Суғд
Душанбе 7.03.2014. (АМИТ «Ховар», Зарангези Латиф).-Вазири маориф ва илми ҷумҳурӣ Нуриддин Саидов ҳафтаи сипарӣ дар доираи сафари кории худ ба вилояти Суғд аз бинои нави раёсати маорифи вилоят, воқеъ дар кӯчаи Шарқи маҳаллаи «Гулистон»-и шаҳри Хуҷанд дидан намуд.
Ба иттилои Раёсати маорифи вилоят зимни азназаргузаронии бино ва мулоқот бо кормандони раёсати маорифи вилоят вазири маориф ва илм Нуриддин Саидов сифати таъмир ва шароити кориро дар бинои нав хуб арзёбӣ намуда, барои боз ҳам беҳтар намудани шароити корӣ пешниҳодҳои мушаххас ироа кард.
Бо дастгирии Вазорати маориф ва илми Ҷумҳурии Тоҷикистон ва мақомоти иҷроияи ҳокимияти давлатии вилоят бино пурра таъмиру барқарор ва таҷҳизонида шуда, раёсати маорифи вилоят аз охирҳои моҳи марти соли ҷорӣ дар ин бино ба фаъолияти худ шурӯъ намуд.