Чопи китобҳои дарсӣ барои насли нав

 
              Душанбе, 28.04.2014.(АМИТ “Ховар”, Марзия Саидзода).- “Интизор меравад, ки шурӯъ аз соли 2015 чопи китобҳои дарсӣ барои насли нав рӯи кор ояд”,- гуфт зимни баррасӣ ва қабули лоиҳаи Қонуни Чумҳурии Тоҷикистон “Дар бораи адабиёти таълимӣ” дар Парлумон вазири маориф ва илми кишвар Нуриддин Саидов.
      Вазир афзуд, ки чопи нави китобҳои  дарсӣ дар ҷумҳурӣ аз ҳисоби  маблағҳои грантӣ  ба роҳ монда мешавад, ки он меъёрҳои  фаннии тамоми фанҳои тадрисшавандаи  муасиссаҳои таҳсилоти умумиро дар бар мегирад. 
      Зикр гардид, ки бори нахуст дар замони истиқлолияти давлатиамон меъёрҳои фаннии тамоми фанҳои тадрисшавандаи низоми таҳсилоти умумӣ коркард  гардидаанд.