Чорабиниҳои маърифатӣ вобаста ба муҳоҷирати меҳнатӣ

 Душанбе, 10.03.2014. (АМИТ «Ховар», Мавҷуда Анварӣ). —  Раёсати Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон дар вилояти Суғд бо ташкилоти ҷамъиятии «Нури ирфон» дар Коллеҷи омӯзгорӣ ва Коллеҷи политехникии ноҳияи Зафаробод 7-уми апрели соли ҷорӣ чорабиниҳои муштараки маърифатӣ вобаста ба муҳоҷирати бехатар, касбомӯзию шаҳодатномакунонии малакаҳо, фароҳам овардани ҷойҳои корӣ барои муҳоҷирони меҳнатӣ дар дохили кишвар ва ривоҷи соҳаи соҳибкорӣ   гузарониданд.
Дар назди иштирокчиёни чорабиниҳо сардори ТҶ «Нури ирфон» дар вилояти Суғд Ф. Ҳодибоев, сармутахассиси Раёсати Хадамоти муҳоҷирати Вазорати меҳнат, муҳоҷират ва шуғли аҳолӣ дар вилояти Суғд А.  Аҳмедов, роҳбари шуъбаи Агентии меҳнат ва шуғли аҳолӣ дар ноҳияи Зафаробод З. Одинаев, мудири шуъбаи кор бо занони ноҳия С. Қобилова ва муовини директор оид ба таълими коллеҷи омӯзгорӣ М. Мӯсоева сухан гуфт.