«Дар якчоягӣ ба ояндаи солим»-иқдоми зиддисилӣ

  Кӯлоб, 7.04.2014. (АМИТ «Ховар», Сулаймони Хол).- Дар шаҳри Кӯлоб бо иштироки кормандони марказҳои зидди бемории сили ҷумхурӣ ва минтақаи Кӯлоб мизи мудаввар доир шуд. Дар он зикр шуд, ки солҳои охир бо талошҳои Ҳукумати Ҷумҳурии Тоҷикистон гирифторони бемории сил кам гардида, сатҳи огоҳии аҳолӣ аз ин беморӣ беҳтар мегардад. 
Дар қисмати дуюми чорабинӣ дар театри ба номи Саидалӣ Вализодаи шаҳр иқдоми  «Дар якчоягӣ ба ояндаи солим» гузаронида шуд, ки дар он ташкилотҳои ҷамъиятӣ ва хайриявӣ иштирок намуданд. Дар ҳамоиш гуфта шуд, ки ҳамасола дар саросари дунё 24 март ҳамчун рӯзи байналхалқии мубориза бар зидди бемории сил таҷлил мешавад.