Дархости Ш. Зуҳуров аз Ш. Салимзода
Душанбе, 30.04.2014.(АМИТ «Ховар», Марзия Саидзода).-Раиси Маҷлиси намояндагони Маҷлиси Олии Ҷумҳурии Тоҷикистон Шукурҷон Зуҳуров ба Салимзода Шерхони Одина- Прокурори генералии Ҷумҳурии Тоҷикистон дар мавриди қазияи Умаралӣ Ҳисайнов -вакили Маҷлиси намояндагон дархост ирсол намудааст.
Тибқи иттилои Муҳаммадато Султонов-котиби матбуоти Маҷлиси намояндагон Шукурҷон Зуҳуров аз Салимзода Шерхони Одина дархост намудааст, ки ҳодисаи латукӯб шудани вакили Маҷлиси намояндагон Умаралӣ Ҳисайнов дар шаҳри Хоруғ аз сӯи шахсони номаълумро ҳамаҷониба таҳқиқ намояд.
Ин дархостро Шукурҷон Зуҳуров баъди суҳбати телефониаш бо Умаралӣ Ҳисайнов ба унвони Прокурори генералии Ҷумҳурии Тоҷикистон ирсол намудааст.
Алҳол У. Ҳисайнов дар ноҳияи Ванҷ бо интихобкунандагон вохӯриҳо гузаронида истодааст.