Дарёфти беҳтарин қории Қуръон
Душанбе, 30.04.2014. (АМИТ «Ховар», Мавҷуда Анварӣ). — Имрӯз дар Маркази равобити пойтахт озмуни навбатии ҷумҳуриявии «Ҳифз ва қироати Қуръони карим» оғоз гардид. Ин чорабинии фарҳангӣ бо сарпарастии Сардори Давлат Эмомалӣ Раҳмон, ташаббуси Вазорати маорифи ҷумҳурӣ ва Донишкадаи исломии Тоҷикистон ба номи Имоми Аъзам созмон дода шуда, дар он 35 нафар қориёни Қуръони азимушшаън аз саросари кишвар, ки дар давраҳои минтақавии озмун дар шаҳру ноҳияҳо ғолиб омадаанд, иштирок доранд.
Қориёни Қуръон дар ҳифзи кулли Қуръони карим бо риояи таҷвиду тафсири сураи “Бақара” ва “Оли Имрон”, ҳифзи кулли Қуръони карим бо зикри номи сураву рақами оят ва саҳифа, ҳифзи кулли Қуръони карим ва ҳифзи матни “Чиҳил ҳадис”-и Имом Нававӣ, ҳифзи кулли Қуръони карим бо риояи таҷвид ва ҳифзи 20 ҷузъи Қуръони карим қувваозмоӣ менамоянд.
Дар маросими ифтитоҳи озмун раиси Шӯрои уламои кишвар Саидмукаррам Абдулқодирзода, намояндаи дастгоҳи иҷроияи Президенти кишвар Абдулкарим Мустафоқулов ва ректори Донишкадаи исломии Тоҷикистон Сулаймон Давлатов ширкат доштанд.
Тибқи иттилои Қобилҷон Ҷалилов, мудири шуъбаи равобити хориҷии донишкадаи исломӣ, ҳадафи баргузории ин озмун дарёфти беҳтарин қориёни Қуръони маҷид ва тарғиби маърифати қуръонӣ мебошад.
Озмуни ҷумҳуриявии «Ҳифз ва қироати Қуръон» 2 май ҷамъбаст гардида, беҳтарин қориёни Қуръон бо ҷоизаҳо сарафароз гардонида мешаванд.
Зудтару дақиқтар: дар Тоҷикистон сифати хизматрасониҳои мобилиро беҳтар мекунанд
Имрӯз дар шаҳри Душанбе ҳаво то 27 дараҷа гарм мешавад
Имрӯз дар Тоҷикистон ҳаво абрнок шуда, борон меборад
«ТОҶИКИСТОН — ВАТАНИ АЗИЗИ МАН». Моҳи апрел даври якуми озмуни ҷумҳуриявӣ оғоз меёбад
КИШТИ БАҲОРӢ. Маъсар зироати пурқимати равғандеҳ маҳсуб мешавад
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
