Дарёфти таппонча ва наздики 37 кг маводи мухаддир

Душанбе, 16.04.2014. (АМИТ «Ховар», Муқаддас Темурзода).- Аз ҷониби кормандони Раёсати таҳқиқи Вазорати корҳои дохилӣ зимни гузаронидани чораҳои фаврӣ-ҷустуҷӯӣ дар рӯ ба рӯ тарабхонаи «Шаҳриёр», шаҳрванд Ятимов Ҷамолиддин Олимович, соли таваллудаш 1994, сокини ноҳияи Панҷ ҳамчун гумонбар дар ғайриқонунӣ нигоҳ доштани маводи мухаддир дастгир шуд. Дар ин бора маркази матбуоти ВКД хабар медиҳад. Ҳамчунин манбаъ иттилоъ медиҳад, ки дар вақти кофтукови манзили муваққатии истиқоматии номбурда, воқеъ дар кӯчаи Муҳаммадиеви пойтахт, 34 кг 420 грамм маводи нашъадори ҳашиш, 2 кг 280 грамм маводи нашъадори афюн ва 1-адад тапончаи тамғаи Макаров бо 6 дона тир дарёфт ва мусодира гардид. Бояд зикр намуд, ки вазни умумии маводи нашъадор 36 кг 700- граммро ташкил медиҳад. Аз рӯи ин ҳодиса парвандаи ҷиноӣ оғоз гардида, тафтиш идома дорад.