Даври дуюми мусобиқоти Тоҷикистон анҷом ёфт
Душанбе, 21.04.2014. (АМИТ «Ховар). — Дастаи «Истиқлол» — и шаҳри Душанбе дар даври дуюми мусобиқоти Тоҷикистон оид ба футбол бо ҳисоби 3:0 бар дастаи «Далерон» — и шаҳри Истаравшан ғалаба кард. Дастаи «Энергетик» — и пойтахт дар майдони худ дастаи «Парвоз» — и ноҳияи Бобоҷон Ғафуровро бо ҳисоби 1:0 мағлуб сохт. Дастаи «Вахш» — и шаҳри Қӯрғонтеппа бо ҳисоби 1:0 бар дастаи ССКА «Помир» пирӯз шуд. «Регар — ТадАЗ» — и шаҳри Турсунзода бозиро дар майдони худ бо дастаи «Хуҷанд» бо ҳисоби 1 мусовӣ кард.
Даври сеюми мусобиқоти Тоҷикистон оид ба футбол байни дастаҳои лигаи олӣ аз 26 — 28 апрел баргузор мешавад.