Дуздии 105 ҳазор рубли русӣ
Душанбе, 25.04.2014. (АМИТ «Ховар», Муқаддас Темурзода).- Дирӯз ба шуъбаи ВКД дар шаҳри Кӯлоб нафақахӯр Питилимов Анатолий Александрович, соли таваллудаш 1938, сокини кӯчаи 1-уми Май, муроҷиат намудааст, ки шаби 28 ба 29 марти соли равон, тахминан соати 02:30-дақиқа, шахси номаълум бо тариқи пинҳонӣ вориди хонааш шуда, аз дохили ҷевон 105000 рубли Федератсияи Русияро дуздида, аз ҷойи ҳодиса ғайб задааст. Дар ин бора маркази матбуоти ВКД иттилоъ медиҳад.
Сарчашма зикр менамояд, ки зимни гузаронидани чораҳои фаврӣ-ҷустуҷӯӣ аз ҷониби кормандони милитсия як нафар ноболиғ ҳамчун гумонбар дар дуздӣ дастгир шуда, санҷиши ин ҳодиса идома дорад.