Э.Раҳмон: Татбиқи иқтисоди миллӣ-рушди босуръати энергетика
Душанбе, 05.04.2014 (АМИТ «Ховар», Фарзонаи Давлат).-Яке аз самтҳои асосие, ки дар марҳалаи кунунӣ барои татбиқи муваффақонаи ҳадафҳои миллӣ нақши калидӣ дорад, рушди босуръати соҳаи энергетикаи кишвар мебошад, — гуфт Президенти кишвар Эмомалӣ Раҳмон зимни суханронӣ дар маросими оғози бунёди хатти интиқоли барқи «Қайроққум – Ашт».
Ба иттилои Эмомалӣ Раҳмон таъмин намудани пешрафти ҳамаи соҳаҳои ҳаёти давлат ва ҷомеа, таъмини рушди устувору босуботи иқтисоди миллӣ, яъне таҳкими иқтидори иқтисодии мамлакат бидуни тараққӣ додани соҳаи энергетика ғайриимкон аст.Маҳз ба ҳамин хотир, мо бунёди нерӯгоҳҳои хурду бузурги барқи обӣ, сохтмони зеристгоҳҳо ва кашидани хатҳои интиқоли барқи баландшиддат, инчунин таҷдиду азнавсозии иншооти соҳаи энергетикаро, ки даҳсолаҳо хизмат кардаанд, торафт вусъат дода истодаем.
«Қобили зикр аст, ки бунёди хатти интиқоли барқи 500 — киловолтаи «Ҷануб — Шимол» ба хеле беҳтар шудани вазъи иқтисодии вилояти Суғд ва шароити зиндагии аҳолӣ мусоидат намуда, дар натиҷаи бунёди ин иншооти ҳаётан муҳим кишварамон дорои шабакаи ягонаи энергетикӣ гардид. Дар робита ба ин, масъулони соҳаро зарур аст, ки корҳои таъмиру таҷдид ва бунёди иншооти энергетикии ба нақша гирифташударо дар шаҳру ноҳияҳои дигари мамлакат идома дода, барои ҳалли саривақтии масъалаҳои ҷойдоштаи соҳа тадбирҳои зарурӣ андешанд», — таъкид кард Эмомалӣ Раҳмон.








Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст






