Файзобод: 235 гектар боғи нав бунёд мешавад

Душанбе, 21.04.2014. (АМИТ «Ховар», Назир Назиров).-Шуъбаи ҳифзи муҳити зисти ноҳияи Файзобод дар давоми фаъолияти  соли 2014  корҳои зиёди ободонӣ, созандагӣ ва кабудизоркуниро ба сомон расонид. Дар 9 ҷамоати ноҳия дар моҳи январ 14 ҳазор ниҳол шинонида шуд, ки  аз ин 7 ҳазораш ниҳоли мевадиҳанда ва 4 ҳазор сояафкан буда, 1,5 ҳазор ниҳол дар шаҳрак шинонда шуд. Тибқи нақша дар ноҳия бояд 92 ҳазор ниҳол шинонида шавад. То имрўз 83 ҳазору 872 ниҳол шинонида шудааст. Инчунин бунёди  235 гектар боғи нав ба нақша гирифта шудааст, ки аллакай 60 гектари он бунёд ёфтааст ва 66 гектар боғи кўҳна аз нав барқарор гардид.
Дар ҷамоати Қалъаи дашт 120 га боғи нави замонавӣ бунёд  мешавад. Рўзи 10 -уми апрел Президенти кишвар Эмомалӣ Раҳмон дар кушодашавии ин боғи  замонавӣ иштирок карда, ниҳоли аввалинро шинонд. Ҳоло дар ин боғ корҳо хуб ҷараён доранд.