Фарҳанги оиладорӣ аз чӣ оғоз меёбад?
Душанбе, 12.04.2014. (АМИТ «Ховар», Раъно Нусратуллозода).- Дар факултаи таърих ва ҳуқуқи Донишгоҳи давлатии Хуҷанд маҳфили навбатии «Фарҳанги оиладорӣ» баргузор шуд.
Тавре ки сардори Маркази иттилоот ва таҳлили раёсати донишгоҳ Маъмури Юсуфзод иттилоъ дод, дар маҳфил муовини декани факултаи таърих ва ҳуқуқ Д. Самадова дар мавзӯи «Масъулияти падару модар дар таълиму тарбияи фарзанд аз нигоҳи ҳуқуқи оилавӣ» сухан гуфта, аз ҷумла зикр намуд, ки падару модар барои беҳдошти саломатӣ, такомули ҷисмонӣ, рӯҳӣ, маънавӣ, ахлоқӣ ва касбомӯзии фарзандонашон бояд ғамхорӣ намоянд. Барои иҷрои уҳдадориҳои номбурда онҳо бояд асоси моддӣ тайёр намоянд.
Муовини прокурори шаҳри Хуҷанд Муқаддас Почомуллоева доир ба ҷараёни татбиқи Қонуни Ҷумҳурии Тоҷикистон «Дар бораи танзими анъана ва расму оинҳо» гуфт, ки ҳарчанд аз роҳандозии қонуни мазкур 6 сол сипарӣ гардид, то ҳол шаҳрвандон талаботҳои онро риоя накарда, дағалона вайрон намуда, маъракаҳои оилавии худро бо иштироки васеи меҳмонон баргузор намуда, қонуншиканӣ мекунанд, ки ин аз фаъолияти сусти комиссияи танзими расму оин шаходат медиҳанд. Зимни санҷиши мақомоти прокуратураи шаҳри Хуҷанд дар ин самт ҳолатҳои зиёди қонуншиканӣ ошкор гардид.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






