Фурудгоҳи Душанбе ба реҷаи тобистона гузашт
Душанбе, 05.04.2014. (АМИТ «Ховар», Мавҷуда Анварӣ). — Мутобиқи ҷадвали тобистонаи парвозҳо дар хатсайри Душанбе-Маскав шабонарўзӣ 4 рейс дар назар дошта шудааст ва ҳар ҳафта дар ин самт 28 парвоз амалӣ мешавад. Парвозҳоро ширкатҳои ҳавопаймоии «Тоҷик Эйр», «Сомон эйр» ва «Ют эйр» анҷом медиҳанд.
Оғоз аз 14 апрели соли ҷорӣ ширкати ҳавопаймоии «Тоҷик Эйр» тасмим гирифтааст дар хатсайри Душанбе-Гуанҷоуи кишвари Чин парвозҳоро амалӣ намояд. Алъон дар назар аст парвозҳо ҳафтае як маротиба, рўзи душанбе сурат гиранд.
Чадвали тобистонаи парвозҳо аз 30-юми март то 30-юми июни соли ҷориро дар бар мегирад.
Мутобиқи ҷадвали тобистонаи парвозҳо дар айни замон бо фурудгоҳи Душанбе 20 ширкати ҳавопаймоӣ ҳамкорӣ менамояд. Дар назар аст, дар ҳамин давра ду ширкати дигари ҳавопаймоӣ-«Эйр Арабиан» дар хатсайри «Шарҷа-Душанбе-Шарҷа» ва ширкати ҳавопаймоии «Международные авиалинии» дар хатсайри Киев-Душанбе-Киев ба фаъолият шурўъ кунанд. Бо роҳандозӣ намудани хатсайрҳои номбурда теъдоди ширкатҳои ҳавопаймоие, ки бо фурудгоҳи Душанбе ҳамкорӣ доранд, ба 22 адад мерасад.
Дар ин бора ба АМИТ «Ховар» котиби матбуоти «Фурудгоҳи байналмилалии Душанбе» М. Шодиев хабар дод.
Имрӯз дар Тоҷикистон борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
