Гузашти низомӣ доир намешавад

Душанбе, 29.04.2014. (АМИТ «Ховар, Екатерина  Пасторова). – Тавре  ки  аз Вазорати  мудофиаи  ҶТ  хабар доданд, имсол  гузаштҳои низомӣ ба  ифтихори  69 —  солагии Ғалаба  дар Ҷанги  Бузурги  Ватанӣ  бар  фашизм  доир  намешаванд. 
Назар  ба  хабари  манбаъ,  9  май дар боғи Ғалабаи  пойтахт маросими  анъанавии гузоштани  гулчанбарҳо барои ёдбуди  хотираи  шаҳрвандони  дар  муҳорибаҳои  ҶБВ ҳалокгардидаи  Тоҷикистон баргузор  мегардад. 
Иштироки хешу таборони сарбозону  афсарони  гарнизони  шаҳри  Душанбе,  собиқадорон  ва  иштироккунандагони  ҶБВ,  намояндагони  аҳли  ҷамъият  дар  маросими  гулгузорӣ дар  назар  аст. Дар  анҷоми  чорабинии  ботантана сарбозони  ду қисми ҳарбии  Артиши  миллии  Тоҷикистон қасами садоқат ба  Ватан  ёд  мекунанд.