Иштироки боксчиёни ҷавони Тоҷикистон дар мусобиқоти ҷаҳон

 Душанбе, 11.04.2014. (АМИТ «Ховар). – Дастаи  мунтахаби боксчиёни  ҷавони  Тоҷикистон  дар  мусобиқоти  ҷаҳон, ки  аз  14  то  25  апрел   дар  шаҳри  Софияи  Булғористон  баргузор  мешавад,  иштирок  менамоянд. 
Тавре  ки  аз  Кумитаи  миллии  олимпии  Тоҷикистон  хабар  доданд,  дар  мусобиқот беш  аз  600 нафар  варзишгарон, аз  ҷумла  100  нафар  занон ва 175  нафар  боксчиёни  эҳтиётии  105   кишвари  ҷаҳон  қувваозмоӣ  мекунанд. Варзишгарони  ҷавони  соли таваллудашон  1996 ва  1997 барои дарёфти  10  даста  медал  маҳорати  худро  месанҷанд.
Ба  ҳайати  дастаи  мунтахаби  Тоҷикистон  Умед Ёқубов (вазни  то  52  килограмм),   Шаҳбоз  Неъматуллоев  (вазни то  69  килограмм), Меҳрубон Сангинов(вазни то 75 килограмм) ва Далерҷон Сулаймонов (вазни  беш  аз  90 килограмм)  шомиланд.