Иштироки Тоҷикистон дар нахустин Форуми иқтисодӣ дар Риёз
Душанбе, 30.04.2014. (АМИТ «Ховар», Мавҷуда Анварӣ). – Имрӯз вазири корҳои хориҷии Ҷумҳурии Тоҷикистон Сироҷидин Аслов муовини вазири корҳои хориҷии Подшоҳии Арабистони Саудӣ доктор Юсуф ибни Тарод ас-Саъдунро ба ҳузур пазируфт.
Дар мулоқот масъалаҳои рушди муносибатҳои дуҷониба дар заминаҳои гуногун, аз ҷумла иштироки ҳайати Ҷумҳурии Тоҷикистон дар нахустин Форуми иқтисодӣ ва ҳамкории арабӣ бо кишварҳои Осиёи Марказӣ ва Ҷумҳурии Озарбойҷон, ки 13 майи соли 2014 дар Риёз баргузор хоҳад шуд, мавриди баррасӣ қарор гирифтанд.