Ислоҳоти қонунгузории замин дар Душанбе матраҳ мегардад

               Душанбе, 29.04.2014.(АМИТ «Ховар», Марзия Саидзода).-Маркази миллии қонунгузории назди Президенти ҷумҳурӣ тасмим гирифтааст, ки дар нимаи аввали моҳи майи соли равон  дар Душанбе мизи мудаввареро дар мавзӯи «Масоили ҳуқуқии ислоҳоти қонунгузории замин дар Ҷумҳурии Тоҷикистон» баргузор намояд. 
                Интизор меравад, ки дар ин нишаст намояндагони вазорату идораҳои марбутаи кишвар, коршиносону мутахассисони бахши ҳуқуқ, андоз, кишоварзӣ иштирок намуда, масоили қонунгузории замин вобаста ба мерос, такмили қонунгузории замин- омили рушди соҳаи кишоварзии мамлакат, ба гарав гузоштани ҳуқуқи истифодаи замин дар ҷумҳурӣ, ислоҳоти замин, таъмини амнияти озуқаворӣ ва баланд бардоштани сатҳи зиндагӣ тавассути гузаронидани ислоҳот дар қонунгузории замин ва соири масоили мубрами ин соҳаро матраҳ намоянд.