Истифодаи кортҳои пластикӣ дар Кӯлоб

Кӯлоб,  19.4.2014. (АМИТ «Ховар»,  Сулаймон  Холов). —   Раёсати  Агентии   суғуртаи  иҷтимоӣ ва  нафақаи  минтақаи  Кӯлоб  дар  се  моҳи соли  ҷорӣ   хизматрасониро ба  нафақагирон  тибқи   қарору   қонунҳои  ҶТ  ба роҳ  монда,  корҳои назаррасеро   ба  анҷом   расонид. Бинобар иттилои  сардори раёсат  Ҷӯрабек  Қурбонов   шумораи   нафақагирон  то  ин  давра  789 ҳазору  972  нафарро дар  бар  гирифта, талаботи   моҳонаи   нафақа 17 млн. 932 ҳазору 600 сомониро ташкил  медиҳад. 
Ба  гуфтаи   манбаъ  бо  мақсади  маблағгузории  саривақтии  талаботи   нафақа  ва дигар  кумакпулиҳо  ба  суратҳисоби  агентӣ  аз  ҳисоби  ташкилоту  муассисаҳо  ва  соҳибкорони  инфиродӣ  андози  иҷтимоӣ ба  маблағи  26  млн. 672 ҳазору 300 сомонӣ  ворид   гардид, ки   ба онҳо андози  иҷтимоӣ  ва  андози  иҷтимоии  20  фоиза  шомил   мебошад. Пардохти нафақа  аз  ҷониби   Бонки   давлатии  амонатгузории  ҶТ «Амонатбонк»  ба  роҳ  монда  шуда,  аз  9  шаҳру   ноҳия  фақат   дар   шаҳри  Кӯлоб  тартиби   пардохт бо  кортҳои   пластикӣ  ба роҳ  монда   шудааст.