IV-умин ҷашнвораи байналмилалии «Чодари хаёл»

Душанбе, 8.04.2014. (АМИТ «Ховар», Зарангези Латиф).- Аз 15-ум то 22-юми апрели соли ҷорӣ дар шаҳри Душанбе барномаи IV-умин ҷашнвораи байналмиллалии театрҳои лӯхтак «Чодари хаёл» баргузор мегардад.
Дар он асарҳои лӯхтакии театрҳои кишварҳои Беларус, Театри давлатии лӯхтаки шаҳри Гомел бо намоишномаи «На ҳама Харгӯшҳо — Заргӯшанд», аз Ҷумҳурии Тоҷикистон, Театри лӯхтаки шаҳри  Чкалови вилояти Суғд бо намоишномаи «Донаки сеҳрнок» -и М.Осипова, таҳиягар Н.Аҳмадова, Тотористон, Федератсияи Русия, Театри давлатии лӯхтаки «ЭКИЯТ»-и шаҳри Қазон бо намоишномаи «Се духтар» -муаллиф А.Хаиров, таҳиягар Л.Дяченко, Озарбойҷон, Театри лӯхтаки шаҳри Нахҷувон бо намоишномаи «Оршин мол Олан»-и муаллиф У.Ҳоҷибеков, таҳиягар Я.Рамазонова, Испания, Театри лӯхтаки «Лос Клавелес»-и шаҳри Мурси бо намоишномаи «Буз ва ҳафт бузича», муаллифон Пак ва Анисето Роса, таҳиягар Анисето Роса ва дигар театрҳои лӯхтаки кишварҳои дунё ширкат меварзанд.
Дар ин бора аз хадамоти матбуоти Вазорати фарҳанг хабар доданд.