Конфронс бахшида ба 20-солагии Конститутсияи ҶТ
Душанбе, 25.04.2014. (АМИТ «Ховар», Раъно Нусратуллозода).- Бахшида ба 20-солагии Конститутсия (Сарқонун)-и Ҷумҳурии Тоҷикистон имрӯз дар Донишкадаи молия ва иқтисоди Тоҷикистон конфронси илмӣ-назариявии ҳайати профессорону устодон ва донишҷӯёни донишкада доир гардид.
Дар конфронс ректори донишкада Ашурбой Солиев зикр намуд, ки: «Конститутсия (Сарқонун)-и ҶТ ҳуҷҷати сарнавиштсози миллати тоҷик маҳсуб мегардад. Мо худро ҳамчун қисми ҷудонашавандаи ҷомеаи ҷаҳонӣ дониста, таъмини соҳибихтиёрӣ ва рушду камоли Ватани азизи худро дарк намуда, озодиву ҳуқуқи шахсро муқаддас шуморида, баробарҳуқуқӣ дӯстии тамоми миллату халқиятҳоро эътироф намуда, бунёди ҷомеаи адолатпарварро вазифаи худ шуморида, ҳамин Конститутсияро қабул ва эълон намудем».
Инчунин дар конфронс дар мавзӯъҳои «Конститутсия нахуст- асоси сохтмони Ҷумҳурии Тоҷикистон», «Ҷабҳаҳои иқтисодии Конститутсия (Сарқонун)-и Ҷумҳурии Тоҷикистон дар даврони истиқлолият», «Конситутсия (Сарқонун)-и Ҷумҳурии Тоҷикистон ва ҳифзи ҳуқуқу озодиҳои инсон ва шаҳрванд» маърӯзаҳо шунида шуданд. Кори конфронс дар 8 бахш идома ёфт.
Тавре ки котиби матбуоти донишкада Машҳура Абдуллоева иттилоъ дод, пагоҳ конфронс кори худро ҷамъбаст мекунад.