Конфронси байналмилалии ЛМИЗЭ

Душанбе, 07.04.2014. (АМИТ «Ховар,  Анна  Мошенко). —  5 ва  6  апрели  соли  ҷорӣ дар  шаҳри  Душанбе   конфронси  дурӯзаи  муаллимон —  иштирокдорони  Лоиҳаи  мактабӣ оид ба  истифодаи  захираю  энергия  баргузор  гардид. Ин  чорабинӣ  бо  ибтикори  Созмони  экологии  «Замини  хурд»  бо  мусоидати  Ҷамъияти  ҳифзи табиати  Норвегия роҳандозӣ  шуд.
Мақсади  асосии  чорабинӣ иборат  аз  мубодилаи  таҷрибаи  мусбат  ва  иттилооти  асосӣ,  муҳокимаи  рушди   лоиҳаи  ЛМИЗЭ  дар  макотиби  минтақа  ва таҳияи тавсияҳо  барои  фаъолияти  минбаъда  мебошад. Дар  конфронс  ҳамоҳангсозонии  маҳаллии ЛМИЗЭ ва  муаллимони  фаъоли  макотиби  шаҳри  Душанбе,  водии Бартанги  Вилояти  Мухтори  Кӯҳистони  Бадахщон,  Кулоб,  Қубодиён ва  Хуҷанд – ҷамъ қариб 25  нафар  иштирок доштанд.
Тавре  ки  корманди  Созмони  экологии «Замини  хурд» Темур  Идрисов   хабар  дод, дар  ҳошияи  конфронс ғолибону  иштирокдорони озмуни байналмилалии  «Энергия ва  муҳити  зист»  мукофотонида шуданд.