Корҳои барқарорсозӣ дар мавзеъҳои зарардида

Кӯлоб, 30.04.2014. (АМИТ «Ховар»,  Сулаймони Хол).-Масъулини идораи беҳдошти замин  ва обёрии    минтақаи Кӯлоб  дар мавзеъҳое, ки  бар асари омадани  сел ва ярч  шаби 12 -уми апрел  хисороти зиёд диданд, бо истифода аз техникаҳои муосир  корҳои барқарорсозиро идома медиҳанд. Ба қавли  сардори муассисаи мазкур  Амирхон Маҳсиддинов  8 адад техника ба ноҳияи Ҳамадонӣ,  4 адад ба Восеъ, 5 адад ба Кӯлоб, 4 адад ба Шӯрообод ва 2 адад ба ноҳияи Муъминобод  равона гардидааст. 
Дар натиҷаи омадани сел  пойгоҳҳои обкашӣ низ зери лой монда,  аз кор монда буданд ва ҳоло корҳои таъмирии онҳо дар сехҳо   роҳандозӣ гардида, рӯзҳои наздик  ба кор дароварда мешаванд.