“Мавъизаҳо”- маводи ёрирасон барои имомхатибон

 Душанбе, 25.04.2014. (АМИТ «Ховар», Мавҷуда Анварӣ). — Кумитаи оид ба корҳои дин, танзими анъана ва ҷашну маросимҳои миллии назди Ҳукумати Ҷумҳурии Тоҷикистон дар якҷоягӣ бо Маркази исломии Ҷумҳурии Тоҷикистон китоберо бо номи “Мавъизаҳо” аз чоп баровард, ки он ҳамчун маводи ёрирасон барои имомхатибон хидмат хоҳад кард. 
Китоби мазкур фарогири 50 мавъиза дар мавзӯоти диниву ахлоқӣ, эҳсону накукорӣ ва дигар аҳкоми дини мубини ислом буда, бо теъдоди 500 нусха ба табъ расид ва он ройгон ба имомхатибони кишвар дода мешавад.
Дар ин бора ба АМИТ «Ховар» сардори маркази матбуоти Кумитаи оид ба корҳои дин, танзими анъана ва ҷашну маросимҳои миллии кишвар Афшини Муқим хабар дод.