МБС ба Тоҷикистон кӯмак мекунад

Душанбе, 17.04.2014. (АМИТ «Ховар). —  Имрӯз,  17  апрел,  дар  шаҳри  Душанбе  бо  иштироки   мансабдорони  вазорату  идораҳои  кишвар,  созмонҳои байналмилалӣ  ва  ҷонибҳои  дигари  манфиатдор  мизи  мудаввар  дар  мавзӯи  «Тарҳрезии  стратегияи  оид ба  таъмини амнияти  маводи  ғизоӣ  дар  ҶТ»  баргузор  мешавад. 
Тавре  ки  аз  Маркази  байналмилалии  савдо   ба  АМИТ «Ховар»  хабар  доданд,   стратегияи  мазкур   самтҳои  асосии дигаргунсозиҳои  низоми  ҳозираи  таъмини  бехатарии   маводи  ғизоӣ  бо  истифода  аз  таҷрибаи  пешқадамро  ба  Ҳукумати  Тоҷикистон пешниҳод  мекунад.  Татбиқи  стратегия имкон  медиҳад, ки бехатарии  маводи ғизоӣ  дар  бозори  дохилӣ таъмин  намуда,  тансиҳатии  истеъмолкунандагон ҳифз  гардад. Стратегия  ҳамчунин  ба  рушди  содироти  маводи  ғизоӣ бо  василаи   густариши  дастрасӣ  ба  бозорҳои  мухталифи  содиротӣ  мусоидат  мекунад.
Кӯмаки  Маркази  байналмилалии  савдо  дар ҳошияи  лоиҳае  сурат  мегирад, ки онро Ҳукумати  Швейтсария  дар  чаҳорчӯбаи  Барномаи ҳамкории бахши  савдо дар  Ҷумҳурии  Тоҷикистон  маблағгузорӣ  менамояд. Мақсад  аз  ин  лоиҳа  мусоидат ба  Тоҷикистон  барои  татбиқи   дастурҳои  Созмони байналмилалии савдо  аст.