Муҳокимаи масъалаи хатсайри героин

Душанбе, 29.04.2014. (АМИТ «Ховар», Лайло Тоирӣ).- Ҳафтаи гузашта дар шаҳри Алма-Ато семинар аз рӯи масъалаҳои таҳлил ва мубодилаи иттилоот “Хатсайри героин II — шабакаи иттилоотӣ саросари хатсайри героин” таҳти сарпарастии Маркази Осиёимиёнагии минтақавии иттилотии ҳамоҳангсоз (ЦАРИКЦ) баргузор гардид, ки дар кори он намояндагони 14 кишвар ва 7 ташкилоти байналмиллалӣ иштирок намуданд.
Дар кори семинар аз Агентии назорати маводи нашъаовари назди Президенти ҶТ подполковник Т. Одинабеков ва подполковник Ф. Муродова иштирок намуданд.
Бино ба иттилои хадамоти матбуотии агентӣ, дар семинар масъалаҳои механизми мубодилаи иттилоот байни кишварҳои аъзои Маркази Осиёимиёнагии минтақавии иттилотии ҳамоҳангсоз, шарҳи таҳлилҳои муштараки Маркази Осиёимиёнагии минтақавии иттилотии ҳамоҳангсоз ва замина барои мониторинги муомилоти ғайриқонунии маводи нашъаовар ба сифати механизм барои мусоидат ба мубодила ва таҳлили иттилоот дар минтақа муҳокима гардиданд.