Мулоқоти раиси шаҳри Панҷакент бо донишҷӯён

 
Душанбе, 19.04.2014. (АМИТ «Ховар», Раъно Нусратуллозода).-Дар Донишгоҳи давлатии Хуҷанд (ДДХ) ба номи академик Бобоҷон Ғафуров раиси шаҳри Панҷакент Хисрави Абдуназар бо донишҷӯёне, ки аз ин ноҳия дар донишгоҳҳои шаҳри Хуҷанд таҳсил мекунанд, мулоқот намуд.  Хисрави Абдуназар гуфт, ки ҷавонон бояд пешоҳанг ва ташаббускори ормонҳои давлату миллат бошанд. Аз шаҳри Панҷакент дар макотиби олии вилоят 109 нафар донишҷӯ тибқи квотаи президентӣ  таҳсил менамояд. 
Дар мулоқот зикр гардид, ки дар шуъбаи рӯзона ва ғоибонаи  факултаҳои мухталифи ДДХ 130 нафар донишҷӯ аз шаҳри Панҷакент таҳсил мекунад. Яке аз ҳадафҳои тайёр намудани мутахассисон дар донишгоҳ- ин пеш аз ҳама таъмини онҳо бо ҷойи кори доимӣ дар маҳалли зисташон мебошад. Ҷоиз ба таъкид аст, ки тибқи квотаи президентӣ дар донишгоҳ 31 нафар донишҷӯ таҳсил мекунанд. 
Зимни мулоқот донишҷӯён мушкилот ва пешниҳодоти мушаххаси худро ба Хисрави Абдуназар манзур намуданд. Инчунин  ба 40 нафар донишҷӯи камбизоат, ятим ва аълохон кумаки молиявӣ расонида шуд.