Муъминобод: санҷиш дар 61 нуқтаи назоратӣ
Муъминобод, 22.04.2014. (АМИТ «Ховар», Сулаймони Хол).-Кормандони Маркази назорати санитарию эпидемиологии ноҳияи Муъминобод дар давоми се моҳи соли ҷорӣ аз 459 нуқтаи таҳти назоратбуда дар 61-тоаш санҷиш гузарониданд. Ба қавли директори марказ Сафаралӣ Назаров барои вайрон кардани қоида ва меъёрҳои санитарию беҳдоштӣ нисбат ба 28 нафар шахси мутасаддӣ ва воқеӣ санадҳои маъмурӣ тартиб дода шуда, онҳо 2400 сомонӣ ҷарима шуданд.
Зимни санҷиш зиёда аз 60 кг маҳсулоти пастсифат ва муҳлати истифодааш гузашта аз муомилот боздошта шуд. Инчунин фаъолияти 2 нуқтаи назоратӣ то бартараф намудани камбудиҳои ошкоршуда боздошта шуд. Бо мақсади ташхиси саривақтии бемориҳои сироятӣ ва назорат аз болои оби нӯшокӣ ва маводи хӯрокӣ дар таҳлилгоҳҳои марказ зиёда аз 1400 санчиш гузаронида шуд.