Нашъаҷаллобон боз дастгир шуданд

Душанбе, 10.04.2014. (АМИТ «Ховар,  Муқаддас  Темурзода). — Назар  ба  хабари  Вазорати  корҳои  дохилии  ҶТ,  кормандони  милиса  се  ҳодисаи  гардиши  ғайриқонунии  маводи  мухаддирро  ошкор  намуданд. 
Кормандони шуъбаи  корҳои  дохилии  шаҳри  Турсунзода ҳангоми амалиёти фаврӣ  Турабек  Ҳасанови  30 — сола  ва  ду  нафар  шарикони  ӯро, ки  сокинони  ҳамин  шаҳр  мебошанд,  дастгир  намуда, аз Турабек  Ҳасанов  856  грамм бангдонаро  мусодира  намуданд.
Ҳамчунин шаҳрванд  Бахтиёр Муҳиддинов бо  гумонбари гардиши  ғайриқонунии  маводи  мухаддир  дастгир  шуда, аз ӯ 182  грамм  ҳашиш мусодира гардид. 
Кормандони  милисаи ноҳияи  Ғончӣ сокини  ноҳияи  Бобоҷон  Ғафуров  Ғолибҷон  Ҳоҷиевро  дастгир  намуда, аз  номбурда 136  грамм  ҳашишро  мусодира  карданд.
Ҳаҷми  умумии  маводи  мухаддири  мусодирашуда 1  килограмму  174  граммро ташкил  дод.
Аз  рӯи  ин  ҳодисаҳо  парвандаи  ҷиноӣ  кушода,  тафтишот  идома дорад.