«Наврӯз дар шаҳри ман»- маҳфили аксбардорони ҷавон

Душанбе, 14.03.2014. (АМИТ «Ховар», Зарангези Латиф).- «Наврӯз дар шаҳри ман»- таҳти чунин унвон аъзои маҳфили аксбардорони ҷавон  — «Нигоҳи ҷавонон» дар Хонаи маданияти рақами 2 — и шаҳри Хуҷанд намоиши аксҳои наврӯзиро доир намуданд.
Бар пояи иттилои сомонаи мақомоти иҷроияи ҳокимияти давлатии вилоят дар намоиш 40 акс аз лаҳзаҳои гуногуни таҷлили иди ҷаҳонии Наврӯз дар шаҳри Хуҷанд ва дигар шаҳру ноҳияҳои вилояти Суғд манзури ҳаводорони санъати аксбардорӣ гардид.
Дар намоиш аксбардорони ҷавон — Ҷӯрабой Ҷумъаев, Абдурауф Қаҳҳоров, Исматҷон Иброҳимов маҳсули эҷоди худро ба намоиш гузоштанд.
Мавриди зикр аст, ки маҳфили аксбардорони ҷавон — «Нигоҳи ҷавонон» ду сол қабл дар Хонаи маданияти рақами 2-и шаҳри Хуҷанд бо дастгирии мақомоти иҷроияи ҳокимияти давлатии шаҳри Хуҷанд ва бо ибтикори ҷавонони эҷодкор Исматҷон Иброҳимов ва Ҷӯрабой Ҷумаъев, Ширкати «Мегафон Тоҷикистон» таъсис ёфта, маротибаи чаҳорум аст, ки гузаронида мешавад.
Гуфта мешавад, ки намоиши «Наврӯз дар шаҳри ман» то санаи 20 — уми апрел идома хоҳад ёфт.