Ноболиғон бо гумони дуздӣ дастгир шуданд

Душанбе, 01.04. 2014. (АМИТ «Ховар», Муқаддас Темурзода).- Кормандони милитсия чор ноболиғро бо гумони даст доштан дар  дуздӣ дастгир намуданд.
Тибқи иттилои маркази матбуоти ВКД ба шуъбаи корҳои дохилии  ноҳияи Рӯдакӣ  шаҳрванд Асадуллоев Таваккал  Кабутович, соли таваллудаш 1966, сокини ноҳияи Файзобод муроҷиат намудааст, ки аввалҳои моҳи феврали соли 2014-ум шахсони номаълум бо тариқи пинҳонӣ аз анбори корхонаи хиштбарорӣ, воқеъ дар ҷамоати деҳоти Гулистони ноҳияи Рӯдакӣ, 10 адад аккумулятори  тамғаи «6 ДВ-160»-ро, ки арзиши умумиашон 6000 сомониро ташкил медиҳад, дуздида, аз ҷойи ҳодиса ғайб задаанд.
Зимни гузаронидани чорабиниҳои фаврӣ-ҷустуҷӯӣ аз ҷониби кормандони милитсия ҳамчун гумонбар дар дуздӣ  ноболиғон  Саидбаҳром Раҳматов, соли таваллудаш 1996, Раҳмоналӣ Раҳматов, соли таваллудаш 1997,   Наҷмиддини Нуралӣ, соли таваллудаш 1998 ва Олим Сангов,  соли таваллудаш 2000, хонандагони мактаби миёнаи таҳсилоти умумӣ  дастгир шуданд. 
Алҳол ҳодисаи мазкур мавриди тафтиш қарор дорад.