Омодагӣ ба ҷаласаи навбатии СҲШ
Душанбе, 09.04.2014. (АМИТ «Ховар», Мавҷуда Анварӣ). — Имрӯз дар Агентии назорати маводи нашъаовари назди Президенти ҶТ ҷаласаи корӣ баргузор гардид, ки дар он масъалаҳои омодагӣ ба гузаронидани ҷаласаи роҳбарони Созмони Ҳамкории Шанхай, ки моҳи июни соли ҷорӣ мегузарад, муҳокима гардиданд. Дар ҷаласаи фаврӣ директори агентӣ Р. Назаров ба кормандони масъул оид ба омодагӣ ба ҷаласа нисбат ба масъалаҳои вобаста ба муомилоти маводи нашъаовар вазифаҳои мушаххас дод.
Ҷаласаи навбатии гурӯҳи кории коршиносон оид ба такмил додани заминаи ҳуқуқӣ-шартномавии ҳамкории ҷаласаи роҳбарони мақомоти салоҳиятдори давлатҳои аъзои Созмони Ҳамкории Шанхай, ки дорои ваколати мубориза бо муомилоти ғайриқонунии маводи нашъаовар мебошад, 16 апрели соли ҷорӣ дар Пекин баргузор мегардад ва дар кори он лоиҳаи Консепсияи Созмони Ҳамкории Шанхай оид ба пешгирии сӯистеъмоли воситаҳои нашъадор ва маводи психотропӣ, нақшаи чорабиниҳо барои солҳои 2013-2014 нисбат ба таҳияи «Барномаи амалҳо оид ба иҷрои стратегияи зиддимухаддиротии давлатҳои аъзои Созмони Ҳамкории Шанхай барои солҳои 2015-2016» барои муҳокимаи ояндаи роҳбарони идораҳои зиддимухаддиротии давлатҳои аъзои Созмони Ҳамкории Шанхай муҳокима мегарданд. Инчунин мубодилаи иттилоот оид ба таҷрибаи истифодаи ҳуқуқ дар соҳаи назорати муомилоти маводи нашъовар, муҳокимаи пешниҳодоти тарафҳо ҷиҳати таҳияи «Барномаи амал нисбат ба иҷрои стратегияи зиддимухаддиротии давлатҳои аъзои Созмони Ҳамкории Шанхай барои солҳои 2011-2016» сурат мегирад.
Дар кори ҷаласаи мазкур муовини сардори ситоди Агентии назорати маводи нашъаовари назди Президенти ҶТ М. Маризоев иштирок хоҳад намуд.
«ТОҶИКИСТОНИ МАН!». Дар шаҳри Ҳисор даври дуюми маҳфил-озмун ҷамъбаст карда шуд
Имрӯз дар баъзе ноҳияҳои Тоҷикистон борон меборад
Дар Донишгоҳи давлатии Хуҷанд аз рӯйи ихтисоси забони чинӣ 352 нафар таҳсил менамоянд
Дар ноҳияи Фирдавсӣ ду ташкилоти ибтидоии Ҳизби Халқии Демократии Тоҷикистон таъсис дода шуд
Вазири корҳои хориҷии Чин Ван И бо сафари расмӣ ба Ҷумҳурии Тоҷикистон меояд
Чӣ тавр метавонем дар Узбекистон бо интернет қарор дошта, чандин маротиба камтар маблағ сарф кунем
Имрӯз дар баъзе ноҳияҳои Тоҷикистон борони кӯтоҳмуддат меборад
«ОИЛА-МАКОНИ МЕҲРУБОНӢ». Дар шаҳри Норак Рӯзи байналмилалии оила таҷлил карда шуд
Дар шаҳри Турсунзода нақшаи даъват пурра иҷро гардид
Имрӯз дар Тоҷикистон ҳавои камабри бебориш пешгӯӣ мешавад
«ҶАВОНОН-ПАЙРАВОНИ ПЕШВОИ МИЛЛАТ!». Таҳти чунин унвон ҳафтаи худидоракунӣ гузаронида мешавад
Дар Душанбе вобаста ба иҷрои самараноки «Пардохти ҳушманд» ҷаласаи корӣ баргузор шуд
