Озмуни саноатчии беҳтарин дар Суғд

Хуҷанд, 02.04.2014. (АМИТ “Ховар”,Абдуаҳад  Шарифзода).-Дар вилояти Суғд шурӯъ аз моҳи равон озмуни “Саноатчии беҳтарини сол” эълон шудааст. Тавре ки аз маркази матбуоти роҳбари вилоят иттилоъ доданд,  мақсад аз эълони озмун ҷалби бештари соҳибкорони ҳавасманд  ба соҳаи истеҳсоли маҳсулоти саноатӣ дохила аст.. 
Он  бо ташаббуси бевоситаи Раиси вилояти Суғд Абдураҳмон Қодирӣ роҳандозӣ гардида, ҳадафи он пеш аз ҳама баланд бардоштани нуфузу эътибори соҳаи саноати вилоят ва ҳавасмандгардонии саноатчиён, инчунин тарғиби таҷрибаи муосири соҳа, ихтироот ва дастовардҳои нави илмию техникӣ, ки ба рушди иқтисодиёти миллӣ мусоидат менамоянд, мебошад.            
Бояд гуфт, ки доир ба озмуни мазкур моҳи марти соли равон қарори раиси вилоят ба табъ расида буд.