Пеш аз муҳлат қатъ гардидани ваколати вакилон

  Душанбе, 14.04.2014.(АМИТ “Ховар”, Марзия Саидзода).-24 апрели соли равон дар шаҳри Душанбе иҷлосияи ҳаждаҳуми Маҷлиси  вакилони  халқи  шаҳри Душанбе, даъвати  чорум баргузор мегардад. Дар робита ба ин раиси шаҳри Душанбе Маҳмадсаид Убайдуллоев қарори марбута ба тасвиб расонд.
     Интизор меравад, ки дар иҷлосия масъалаҳои марбут ба омодагии пойтахт ба мавсими тирамоҳу зимистони солҳои 2014-2015,  омодагӣ  ба ҷашни 90-солагии Душанбе, номгузорӣ ва номивазкунии  кӯчаю хиёбонҳо, беҳдошти вазъи санитарӣ-экологӣ, корҳои ободонӣ, таъмини аҳолӣ бо оби нӯшокӣ дар пойтахт баррасӣ гардида, доир ба онҳо раисони комиссияҳои доимии Маҷлиси вакилони халқи шаҳри Душанбе гузориш хоҳанд дод. Инчунин дар иҷлосия ваколати вакилони Маҷлиси вакилони халқи шаҳри Душанбе аз ҳавзаҳои  интихоботии №8 ва №12 пеш аз муҳлат қатъ гардонида мешавад.
       Дар фарҷоми иҷлосия тасдиқи як силсила қарорҳои раиси шаҳри Душанбе дар назар аст. 9.44.