Пешгирии ҷинояткорӣ ва зиракии сиёсӣ

Душанбе, 15.04.2014. (АМИТ «Ховар», Раъно Нусратуллозода).-Дар факултаи таърих ва ҳуқуқи Донишгоҳи давлатии Хуҷанд ба номи академик Бобоҷон Ғафуров  бо иштироки васеи устодону донишҷӯён вохӯрии намояндагони прокуратураи вилоят баргузор гардид.
Тавре ки сардори Маркази иттилоот ва таҳлилии раёсати донишгоҳ  Маъмури Юсуфзод  иттилоъ дод, дар вохӯрӣ Саидмухтор Саидов- ёрдамчии прокурори вилоят оид ба назорати  иҷрои қонунҳо доир ба ҷавонон ва ноболиғон зикр намуд, ки ин мулоқоти нахустин дар нимсолаи дуюми соли таҳсили 2013-2014 буда,  он минбаъд бо кулли устодон ва донишҷӯёни тамоми макотиби олӣ ва миёнаи  касбии вилоят сурат мегирад. 
Ҳадаф аз ташкили  вохӯриҳо пеш аз ҳама ба роҳ мондани корҳои фаҳмондадиҳӣ ҷиҳати пешгирии ҷиноятҳо, ҳамроҳ нашудани ҷавонон ба гурӯҳҳои экстремистӣ ва бобати дар сатҳи баланди сиёсиву фарҳангӣ истиқбол намудани 20- солагии Контситутсияи  Ҷумҳурии Тоҷикистон мебошад.