Президент ба Маҷлиси Олӣ Паёми навбатӣ ироа менамояд

Душанбе, 23.04.2013.(АМИТ «Ховар», Марзия Саидзода).-Имрӯз зимни баргузории  ҷаласаи ҳафтуми якҷояи  Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон, даъвати чорум Президенти Ҷумҳурии Тоҷикистон Эмомалӣ Раҳмон Паёми навбатии худро ба Парлумони кишвар- Маҷлиси Олӣ ироа мекунад.
      Аз палатаи болоии Парлумони мамлакат ба АМИТ «Ховар» иттилоъ доданд, ки ҷаласаи муштараки палатаҳои Парлумони кишвар нахуст дар толори маҷлисгоҳи Маҷлиси Олии Ҷумҳурии Тоҷикистон оғоз гардида, баъдан корашро дар Маҷмааи давлатии «Кохи ваҳдат»-и пойтахт идома медиҳад. Дар ҷаласаи якҷояи палатаҳои Парлумони кишвар дар радифи аъзои Маҷлиси миллӣ ва  вакилони Маҷлиси намояндагон, инчунин  аъзои ҳукумат, роҳбарону намояндагони вазорату идораҳои мамлакат, раисони шаҳру ноҳияҳо, инчунин намояндагони корпусҳои дипломатии муқими  Тоҷикистон ширкат менамоянд.