Раҳимзода Рамазон Ҳамро Пол Майлерро ба ҳузур пазируфт
Душанбе, 29.04.2014 (АМИТ «Ховар», Мавҷуда Анварӣ).- Дирӯз вазири корҳои дохилӣ Раҳимзода Рамазон Ҳамро Сафири Фавқулода ва Мухтори Австралия дар Тоҷикистон Пол Майлерро ба ҳузур пазируфт.
Вазири корҳои дохилӣ Раҳимзода Рамазон Ҳамро Пол Майлерро ба муносибати Сафири фавқулода ва Мухтори Австралия дар Ҷумҳурии Тоҷикистон таъйин шуданаш муборакбод намуда, ба ӯ дар корҳои ояндааш бурдбориҳо орзу намуд.
Зимни вохӯрӣ ҷонибҳо масоили ҳамкориҳои дуҷонибаро дар самти мубориза бар зидди ҷиноятҳои фаромиллӣ, аз ҷумла, терроризм мавриди муҳокима қарор доданд.