Равнақи ҳамкориҳо бо САҲА

Апрель 14, 2014 09:18

Душанбе, 14.03.2014. (АМИТ «Ховар», Мавҷуда Анварӣ). -Муовини аввали вазири корҳои дохилӣ Абдураҳмон Бузмаков бо мушовир оид ба масъалаҳои гендерӣ ва муқовимат бар зидди хариду фурӯши одамони Созмони амният ва ҳамкории Аврупо дар Тоҷикистон Мария Гречев ва мушовир оид ба масъалаҳои гендерӣ Зайтуна Наимова ҳафтаи сипаригардида вохӯрд.
Зимни мулоқот А. Бузмаков Аламшоевич иброз намуд, ки Вазорати корҳои дохилӣ бо Созмони амният ва ҳамкории Аврупо дар Тоҷикистон дар робитаи зич қарор дошта, дар доираи Ёддошти тафоҳум оид ба ҳамкорӣ байни Вазорати корҳои дохилии Ҷумҳурии Тоҷикистон ва Бюрои САҲА дар Тоҷикистон, ки 8 апрели соли 2011 ба имзо расидааст, як силсила чорабиниҳо дар самти ислоҳоти милитсия ба анҷом расиданд.
Ҳамзамон дар соҳаи мубодилаи таҷриба ва амалисозии Қонуни Ҷумҳурии Тоҷикистон «Дар бораи зӯроварӣ дар оила» ҳамкориҳои мутақобилан судманд ҷараён доранд.
Мария Гречев аз ҳамкориҳои самаранок изҳори қаноатмандӣ намуда, зикр кард, ки дар айни замон лоиҳаи «Фаъолияти ҳиссиётнокӣ-гендерии мақомоти ҳифзи ҳуқуқ оид ба тафтиш ва пайгирии судии зӯроварӣ дар оила ва ҳифзи ҷабрдидагон» муваффақона ҷараён дорад.  
Вохӯрӣ дар фазои дӯстӣ ва якдигарфаҳмӣ анҷом пазируфта, ҷонибҳо аз ривоҷ ёфтани ҳамкориҳои мутақобилан судманд изҳори қаноатмандӣ намуданд.
 
 
 
 

Апрель 14, 2014 09:18

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд