Ройзании фарҳангии Эрон ба КМТ китоб тақдим кард

Душанбе, 19.04.2014. (АМИТ «Ховар»,Фарзона Достонзода).-Ройзании фарҳангии Эрон ба Китобхонаи миллии Тоҷикистон (КМТ) беш аз 500 китоб тақдим кард. Дар расми тақдими китобҳо раиси Ройзании фарҳангии Эрон  Муҳаммадҳасан Санъатӣ изҳор  кард, ки дар байни китобҳои тақдимшуда адабиёте ҳастанд, ки дар тӯли чандин солҳо пажӯҳиш шудаанд. Инчунин дар маросими китобсупорӣ директори КМТ Носир Салимов аз Ройзании фарҳангии Эрон барои туҳфаи китобҳо миннатдорӣ баён намуд ва изҳори умед кард, ки ҳамкориҳои мутақобила минбаъд низ давом хоҳанд ёфт. 
Маврид ба зикр аст, ки чунин иқдом аз ҷониби мардуми Эронзамин бори аввал набуда, моҳи декабри соли гузашта низ аз тарафи Анҷумани дўстии Тоҷикистону Эрон ба КМТ 4, 5 ҳазор китоб тақдим гардид. 
Дар ин бора ба АМИТ «Ховар» аз Китобхонаи миллии  Тоҷикистон иттилоъ доданд.