Рушди ҳамкориҳои Тоҷикистону Чин
Душанбе, 18.04.20014.(АМИТ «Ховар», Муқаддас Темурзода).- Имрӯз дар Душанбе котиби Шӯрои амнияти Ҷумҳурии Тоҷикистон Абдураҳим Қаҳҳоров бо намояндагони Шӯрои амнияти Ҷумҳурии Мардумии Чин мулоқоти дуҷониба баргузор намуд.
Зимни мулоқоти дуҷониба оид ба густариши ҳамкориҳои ҳар ду кишвар дар соҳаи иқтисодӣ, сиёсӣ ва мубориза бар зидди ҷиноятҳои экстремистӣ, сепаратизм, терроризм ва гардиши ғайриқонунии маводи мухаддир мубодилаи афкор сурат гирифт.
Сипас, бо ҳайати меҳмонон ҳамчунин вазири корҳои дохилӣ Раҳимзода Рамазон Ҳамро мулоқот анҷом дода, миннатдории хешро ба Ҷумҳурии Мардумии Чин баҳри дастгирӣ дар соҳаҳои иқтисодӣ ва сиёсӣ иброз намуд.
«Ҷумҳурии Мардумии Чин барои пешравии Тоҷикистон саҳми назаррас дорад. Тоҷикистон низ аз ҷониби худ барои сулҳу амнияти кишварҳои минтақа ва дигар соҳаҳо омода аст бо Хитой ҳамкории зич дошта бошад»,- афзуд Раҳимзода Рамазон Ҳамро.