Садама бо натиҷаи нохуш

Душанбе, 07.04.2014. (АМИТ «Ховар», Муқаддас Темурзода).- Тавре ки маркази матбуоти ВКД хабар медиҳад, ронандаи мошини тамғаи «Opel — Vektra», Аминов Гулмаҳмад Сайвалиевич, соли таваллудаш 1974, сокини ноҳияи Рашт, ҳангоми ҳаракат аз самти ноҳияи Рашт ба тарафи шаҳри Душанбе, дар километри 83-юми роҳи мошингарди Ваҳдат-Рашт-Ҷиргатол қоидаҳои бехатарии ҳаракати роҳро риоя накарда, мошинро аз баландии 80 метр ба ҷарӣ чаппа намудааст.
Дар натиҷа ронандаи мошини мазкур Г.С. Аминов ва мусофири он Маликамоҳ Аминова, соли таваллудаш 1936, сокини деҳаи Навдии ҳамин ноҳия, ҷароҳати вазнини ҷисмонӣ бардошта, дар ҷойи ҳодиса ба ҳалокат расидаанд. Мусофирони дигари мошин Моҳирахон Аминова, соли таваллудаш 1976, Кароматулло Тоиров, соли таваллудаш 1998, Салават Ёнқулова, соли таваллудаш 1948, Амрулло Тоиров ,соли таваллудаш 2008, сокинони деҳаи Навдӣ ҷароҳати гуногуни ҷисмонӣ бардошта, дар беморхона бистарӣ гардиданд.