Шӯрои илмӣ дар МТС

Душанбе, 10.04.2014. (АМИТ “Ховар”, Манижа Баҳромзода). Дар Маркази тадқиқоти стратегӣ (МТС)-и  назди Президенти Ҷумҳурии Тоҷикистон  Шӯрои илмӣ доир гардид. Дар он ҳисоботи  масъулин доир  ба фаъолияти  илмию тадқиқотии  кормандони раёсатҳои марказ  дар се моҳи соли равон  шунида шуд. Аз ниҳоди мазкур ба АМИТ «Ховар» иттилоъ доданд, ки зимни ҷаласа сардорони раёсатҳои марказ- А. Раҳнамо, Ш.Ризоев, А. Шеров, Т. Баротов, А.Қурбоншоев, Х. Додихудоев, К.Ҷӯраев оид ба фаъолияти раёсатҳое, ки роҳбарии онро ба дӯш доранд, гузориш доданд.
Ҳамчунин дар ҷаласаи  Шӯрои илмӣ   роҳбарону мутахассисони Марказ оид ба минбаъд тайёр намудани мутахассисони баландихтисоси илмӣ, коркарди босифати  маводи таҳлилӣ, ташкили  чорабиниҳои илмӣ-амалӣ, тадқиқоти иҷтимоӣ, мизҳои гирд ва конфронсҳо  мулоҳизаҳои худро пешниҳод  намуданд.