Шаҳринав: китобхонон меафзоянд

Шаҳринав,15.04.2014. (АМИТ «Ховар», Ҳотами Шариф).- Дар ҳудуди ноҳияи Шаҳринав 18 адад китобхонаи давлатӣ-оммавӣ мавҷуд аст. Аз ҷумла, як ададаш китобхонаи марказӣ ва як ададаш китобхонаи бачагона аст. Тибқи иттилои Санавбар Муъминова-директори Китобхонаи марказӣ теъдоди китобҳо 130 ҳазору 608 нусха буда, дар байнашон китобҳои тозанашр низ ҳастанд. Хушбахтона, солҳои охир сафи китобдӯстон афзуда, шумораи онҳо ба 15 ҳазору 520 нафар дар як сол расидааст.
Мувофиқи нақша солҳои наздик дар шаҳраки Шаҳринав қасри фарҳанг сохта хоҳад шуд, ки Китобхонаи марказӣ ҳам дар ҳамин бино ҷойгир мешавад.