Симчӯби барқӣ — боиси марги ронанда

Душанбе, 30.04.2014. (АМИТ «Ховар», Муқаддас Темурзода). — Дирӯз, тахминан соати 17:30-дақиқа, ронандаи мошини тамғаи «Toyota-Mark 2», Зокиров Муқбил Ҳусайнович, соли таваллудаш 1988, сокини ноҳияи Ҳамадонӣ  ҳангоми ҳаракат бо кӯчаи Соҳилии шаҳри Душанбе, аз самти кӯчаи Неъмат Қарабоев ба самти кӯчаи 50-солагии Тоҷикистон аз уҳдаи идораи воситаи нақлиёт набаромада, ба симчӯби барқии байни роҳ бархӯрдааст. 
Дар натиҷа ронанда М. Зокиров ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст. 
Дар ин бора маркази матбуоти ВКД хабар медиҳад.