Сокинони кӯчаҳои марказӣ, об захира намоед!

    Душанбе, 22.04.2014.(АМИТ “Ховар”, Марзия Саидзода).- Бинобар анҷом додани корҳои таъмирӣ дар қубури воқеъ дар кӯчаи Пушкини пойтахт,  фардо, 23 апрел аз соати 8:00 то соати 24:00 интиқоли оби нӯшокӣ дар  кӯчаҳои Шотемур (аз хиёбони Рӯдакӣ то кӯчаи М.Турсунзода), Пушкин, Бохтар, Теҳрон, биноҳои истиқоматии  №53, №62 ва №64-и хиёбони Рӯдакӣ қатъ карда мешавад. Дар робита ба ин шаҳрдории Душанбе аз сокинони кӯчаҳои мазкур хоҳиш намудааст, ки миқдори лозимии оби нӯшокиро барои 16 соат захира намоянд.
               Ҳамзамон Аъламхон Қурбонов-раиси ноҳияи Исмоили Сомонӣ ва Файзулло Исупов,  директори Корхонаи воҳиди давлатии «Обу корези Душанбе» муваззаф гардидаанд, ки бо истифода аз мошинҳои обкаш сокинони ин кӯчаҳоро бо оби ошомиданӣ таъмин намоянд.