Суҳбати Вазири корҳои хориҷӣ бо Сафири Исроил
Душанбе, 29.04.2014. (АМИТ «Ховар). – 28 апрел Вазири корҳои хориҷии Тоҷикистон Сироҷиддин Аслов Сафири навтаъини Исроил дар Тоҷикистон Карамеллу Шамирро бинобар супурдани нусхаҳои Эътиборномаҳо ба ҳузур пазируфт.
Тавре ки аз ВКХ ҶТ хабар доданд, дар ҷараёни суҳбат масоили таҳкими ҳамкории байни Ҷумҳурии Тоҷикистон ва Давлати Исроил дар бахшҳои мухталиф, ҳамчунин масъалаҳои дигаре, ки диққати тарафайнро ба худ ҷалб менамоянд, мавриди муҳокима қарор гирифтанд.