Таҳлили якҷояи бахши маориф ва натиҷаҳо

Душанбе, 17.04.2014. (АМИТ «Ховар», Зарангези Латиф).- Имрӯз дар бинои Муассисаи Давлатии «Душанбе Плаза» дар мавзӯи «Натиҷаҳои  таҳлили якҷояи бахши маориф» конфронси ҷумҳуриявӣ баргузор гардид. Дар он намояндагони Ҳукумати ҷумҳурӣ, Вазорати маориф ва илм, Хазинаи кӯдакони Созмони Миллали Муттаҳид (ЮНИСЕФ) ширкат варзиданд.
Дар конфронс Фатҳиддин Исмонов, муовини вазири маориф ва илми ҷумҳурӣ зимни маърӯзаи худ- «Муаррифии таҳлили якҷояи бахши маориф ва банақшагирии миёнамуҳлат» гуфт, ки таҳлили якҷояи бахши маориф  барои Ҳукумат, донорон ва ҷомеаҳои шаҳрвандӣ барои вохӯрдан, баррасӣ ва арзёбӣ намудани соҳаи маориф имконияти хубест.
Ҳадафи он таъмин намудани замина барои муҳокима ва таҳлили натиҷаҳои ноилшуда ва мушкилиҳои ҳалталаб мебошад.
Бояд гуфт, ки конфронс фардо ба анҷом мерасад.