Таҷлили байналмилалии 100 — солагии З. Шаҳидӣ
Душанбе, 08.04.2014. (АМИТ «Ховар»,Фарзона Достонзода).- 7 апрел дар Вазорати фарҳанги ҶТ таҳти раёсати муовини аввали вазири фарҳанги Ҷумҳурии Тоҷикистон Маҳмадсаид Пиров оид ба таҷлили 100- солагии композитор ва Ҳунарпешаи халқии Тоҷикистон Зиёдулло Шаҳидӣ маҷлиси машваратӣ баргузор гардид.
Аз Вазорати фарҳанги ҷумҳурӣ ба АМИТ «Ховар» иитилоъ доданд, ки дар ҷаласаи мазкур роҳбарони муассисаҳои театриву консертӣ, иттифоқҳои нависандагон, композиторон, рассомон иштирок намуда, нақшаи чорабиниҳоро баррасӣ ва тасдиқ намуданд.
Мавриди ёдоварист, ки бо Қарори байналмилалии ЮНЕСКО таҷлили 100-солагии оҳангсози шинохта, Ҳунарпешаи халқии Тоҷикистон, барандаи Ҷоизаи давлатии Тоҷикистон ба номи А.Рӯдакӣ З.Шаҳидӣ ба феҳристи ҷашнҳои ЮНЕСКО барои солҳои 2014-2015 ворид гардид. Ин ҷашни фарзанди фарзонаи миллати тоҷик дар сатҳи байналмилалӣ таҷлил хоҳад шуд.